Көркем гимнастика – спорттың ең бір әсерлі де әсем түрлерінің бірі, спорттың бұл түрі – 1984 жылдан бастап олимпиадалық ойындарға енгізілген, сол уақыттан бері біз тал шыбықтай майысқан нәзік спортшы-арулардың өнеріне тамсана қарап, сүйсініп келеміз.   

Қазақстан да көркем гимнастикадағы өзінің дарынды да батыл әрі қайсар гимнаст қыздарының мектебімен белгілі.

2008 жылы Азия чемпионатында еліміздің құрама командасының көшбасшысы Әлия Юсупова алты бірдей алтын медальға қол жеткізді! Азиялық чемпионатқа үшінші рет қатысқан біздің гимнаст қыздарымыз үшін бұл ең бір нәтижелі жарыс болған еді. Юсупова жарыстық бағдарламаның барлық түрі бойынша бас жүлдені ұтып алды. Сөйтіп, Шымкент өңірінің өкілі отандық көркем гимнастика тарихында алғаш рет Азияның абсолюттік чемпионы атанды.

Осы сәттен бастап спорттың бұл түріне қолдау жасап, дамытып жүрген елдер арасында Қазақстанның рейтингі айтарлықтай көтерілді. Қазақстан қыздарының алғашқы жетістігінен кейін-ақ көркем гимнастика елімізде танымал спорт түріне айнала  бастады. Бұл тұста, әрине, Әлияның сіңірген еңбегі орасан зор болды, себебі дәл соның  халықаралық аренадағы жеңістерінің арқасында еліміз бойынша сан мыңдаған жас қыздар Әлия Юсупова сияқты шымыр да икемді, нәзік те берік, сәнді де сүйкімді арулардың спорты - көркем гимнастикамен айналысуға ниет білдіре бастады.

Осыдан үш жыл бұрын Әлия жеткіншек гимнаст қыздардың жұртшылыққа өз мүмкіндіктерін көрсетуіне және басқа елдердің жас спортшыларымен бақ сынасуына көмектесу үшін өзінің бірінші Халықаралық жарысын өткізуді шешкен болатын. Әлияның бұл бастамасы оның танымалдығының арқасында барынша жоғары деңгейдегі турнирге  ұласып үлгерді.  

Алда – кезекті Халықаралық жарыс. 22 мамыр күні Шымкент қаласының цирк алаңында еңбек сіңірген спорт шебері Әлия Юсупованың жүлдесіне Көркем гимнастикадан III халықаралық жарыстың ашылу салтанаты өтеді.   

23-24 мамыр күндері шырайлы Шымкент ТМД елдерінен, таяу және алыс шет елдерден гимнаст аруларды қарсы алады. Турнирге қатысуға шақырылғандар – жеті елден келетін 260 талантты спортшы қыздар, олардың ішінде Олимпиада ойындарының күміс жүлдегері, әлем және Еуропа чемпионы Ирина Чащина, дүние жүзінің және Еуропаның бірнеше дүркін чемпионы Ольга Капранова бар.

Сарапшылардың пікірінше, бүгінгі таңда көркем гимнастика мектебі болашағынан   көп үміт күттіретін жас спортшылардың басын қосу арқылы барынша кеңінен тарап келеді, ал Әлия Юсупованың жүлдесіне өткізілетін Халықаралық турнир жыл өткен сайын неғұрлым көріністі, ауқымды да тартымды жарыс түріне айналуда.

Аталған іс-шара Қазақстанның Гимнастика федерациясының Бас демеушісі – «Самұрық-Қазына» ҰӘҚ» АҚ-мен бірлесіп өткізіледі. Жарыстың салтанатты ашылуы 22 мамыр күні Шымкенттегі Б.Момышұлы көшесінің бойында орналасқан Цирк ғимаратында өтеді. Байланыс телефондары: 8-701-845-7979, 8-700-361-66-72.

«Қазақстан Халық банкі» АҚ, «Жолаушылар тасымалы» АҚ және Visa халықаралық төлем жүйесі бірлесе ұйымдастырған «Тиімді сапар шегіңіз» акциясы шеңберінде төмендегі адамдардың жеңімпаз атанғанын қуанышпен хабарлаймыз: 

Жеңімпаздар «Технодом» сауда желісінің сыйлық сертификаттарымен марапатталады. Сіздерді құттықтаймыз және Халық банкімен бірге жеңістерге жете беруіңізге тілектеспіз! 

Құрметпен,

Сіздің Халық банкіңіз

Сіздерге «Қазақстан Халық Банкі» АҚ (бұдан әрі «Банк») төлем карточкалары бойынша жаңадан енгізген өзгерістері туралы хабарлайды: 

2012 жылғы 10 маусымнан бастап Банк заңды және жеке тұлғаларға дебеттік карточкалар бойынша қызмет көрсетілгені үшін комиссия алатын жаңа схемаға ауысады.  

Жаңа схемаға сай, екінші жылдан бастап дебеттік карточкаға қызмет көрсетілгені үшін комиссия ай сайын алынып, бір жылға қызмет көрсетілетін соманың 1/12 бөлігін құрайды. Мысалы, екінші жылға қызмет көрсету құны 840 теңгеге тең болса, ай сайынғы комиссия сомасы 70 теңгені құрайтын болады. Бұл комиссия карточка ресімделген соң бір жылдан кейін ай сайын алына бастайды.  

Банктен ұсынылатын жаңа артықшылықтар: 

Енді, Сіз Халық банкінің карточкасын ресімдеген кезде оған қосымша комиссиясыз мынадай қызметтердің пакетін: 

«Стандарт» өнімі бойынша Visa Classic және MasterCard Standard карточкаларына:  

• Толық пакет хабарламалары бар мобильді банкингті;
• «Чартис Қазақстан сақтандыру компаниясы» АҚ сақтандыру полисін (7 700 000 теңгеде өтелетін сомада); 

«Стандарт» және «Жалақы» өнімі бойынша Visa Infinite, Visa Platinum, Visa Gold, MasterCard Gold, CUP Gold карточкаларына:  

• Толық пакет хабарламалары бар мобильді банкингті;
• «Чартис Қазақстан сақтандыру компаниясы» АҚ сақтандыру полисін (7 700 000 теңгеде өтелетін сомада);
• Негізгі карточкадан ерекшелігі бар, негізгі карточканы ұстаушының атына басқа төлем жүйесінен ашылатын қосымша карточканы;
• Интернет төлемдерге арналған Visa Virtuon карточкасын аласыз.

Егер Сіз карточканы ұстаушы болып қойсаңыз, оларға қызметтердің қосымша пакетін Банктің Бөлімшелеріне немесе Жеке сервис орталығына хабарласып, ала аласыз.

Осы өзгерістерге байланысты 2012ж. 01 маусымнан бастап Банк карточкалар бойынша тарифтерді өзгертеді, онымен толығырақ осы жерден біле аласыздар. 

Байланыс орталығының телефондары: 2 590 777 (Алматы қ. үшін), 8 8000 8000 59 (Қазақстан Республикасының басқа қалалары үшін).

Құрметпен,   

«Қазақстан Халық Банкі» АҚ

Төлем жүргізу үшін жүйеге абонент нөмірін енгізуіңіз қажет. Экранда «АстанаЭнергоСбыт» төлемдері шотының электрондық көшірмесі пайда болады. Қажет болған жағдайда Сіз төленетін соманы өзгерте аласыз. Төлемді жүзеге асыру үшін «Төлеу» деген түймені басыңыз. Төлем сомасы Сіздің карточкаңыздан автоматты түрде өшіріледі. Төлемнің жүзеге асырылғанын растау үшін Сіз чек басып шығара аласыз.   

Барлық мәселелер бойынша Байланыс орталығының мына телефондарына хабарласуды сұраймыз:

8(727) 259-07-77 (Алматы қаласы үшін), 8 8000-8000-59  (ҚР басқа қалалары үшін).

Сіздерді Ұлы Жеңіс Күнімен шын жүректен құттықтаймыз!

Біздің ата-бабаларымыз осыдан 67 жыл бұрын фашизмді тізе бүктіру арқылы негізгі адамгершілік идеалдардың маңызын дәлелдей отырып, бүкіл Адамзат дүниесі үшін бейбіт өмір орнату мүмкіндігін қолдан бермей сақтап қалды. Ұрпақтан ұрпаққа жалғасып келе жатқан осы мереке бүгінде Ұлы Отан соғысы батырларының ең таңдаулы қасиеттерінің – ерліктің, жанқиярлықтың, қайсарлықтың, батырлық пен Отанға деген шексіз сүйіспеншіліктің бейнесіне айналып отыр.

Бүкіл халықтың осынау ардақты мерекесі күні Сіздерге және Сіздердің жақындарыңызға ашық аспан, берік денсаулық, бақыт пен ырыс-береке тілейміз!

Ізгі ниетпен,

«Қазақстан Халық банкі» АҚ

Сіздерді Қазақстан халқының бірлігі мерекесімен ізгі ниеттен құттықтауымызды қабыл алыңыз!

Еліміз Тәуелсіздік алған жиырма жыл бізге көпұлтты егемен мемлекетіміздің мақтанышына айналған басты игілігімізді сыйға берді  – бұл жалпыадамзаттық құндылықтар: Достық, Келісім, Махаббат пен Бейбітшілік үстемдік құрған тәуелсіз әрі дамыған ел құруды мұрат тұтатын басты идеяның төңірегінде топтасқан еліміз азаматтарының арасындағы бейбітшілік пен келісім болмақ.

Алдағы осы айтулы мереке қарсаңында Сізге және Сіздің жақындарыңызға көктемгі көңіл-күй, жан жылуы, зор денсаулық, әл-ауқат пен түсіністік тілейміз!

Ізгі ниетпен,

«Қазақстан Халық банкі» АҚ

Соңғы кездері Халық Банкінің төлем карточкалары бойынша алаяқтар Банк клиенттерінің аса аңқаулығы мен тез сенгіштігін пайдаланатын сұрқия жағдайлар жиілеп кетті.

Осыған байланысты Банк мынадай қауіпсіздік шараларын сақтауды ұсынады:  қандай жағдай болмасын, өзіңіздің төлем карточкаңыздың шотымен байланысты әлде бір әрекеттерге келіспеңіз, карточканың нөмірі, мобильді телефон нөмірі сияқты құпия мәліметтерді тіпті бермеңіз, мобильді банкингте ешқашан бөгде адамдардың мобильді телефондарының нөмірлерін тіркемеңіз.  

Құрметпен,

Халық Банкі

Карточка бойынша жүргізілген операциялар туралы хабарламалар жіберуді Банк стандартты режимде жүргізеді. 

Басқа операторлардың абоненттері үшін «Мобильдік банкинг» жүйесіне қалыпты режимде қол жеткізуге болады.

Келтірілген қолайсыздықтар үшін ғафу өтінеміз. Қалпына келтіру уақыты туралы қосымша хабарланатын болады.

Құрметпен,

Сіздің Халық Банкіңіз.

Енді Сіздер Халық банкінің төлем карточкасының көмегімен банк терминалдары және «Жеке тұлғаларға арналған Интернет банкинг» жүйесі арқылы Алтел АҚ (Pathword, Dalacom, Jet және City абоненттері үшін) қызмет ақысын төлей аласыздар.

Құрметпен 

"Қазақстан Халық Банкі" АҚ

«Қазақстан Халық Банкі» АҚ-ның 2012 жылғы 3 сәуірде өткен Банктің 2011 жылғы қаржылық қызметінің нәтижесіне арналған баспасөз мәслихатының  қорытындысы бойынша, онда «БТА Банк» АҚ-дағы ахуалға берілген түсініктемеге қатысты БАҚ-тарда бірқатар екіұшты бағалауларға алып келген материалдар жарық көрді. 

Осыған байланысты «БТА Банк» АҚ басшылығы 2012 жылғы 5 сәуірде өткен баспасөз мәслихатында осы мәселеге қатысты өз пікірін журналистерге жария етті. 

Қазақстанның банк жүйесінің тұрақты дамуы үшін қаржылық институттардың атқаратын айрықша ролін ескере отырып, «БТА Банк» АҚ мен «Қазақстан Халық Банкі» АҚ бірлескен келіссөздер жүргізіп, онда өз ұстанымдарын түсіндірді. 

Банктердің басшылығы рынок қатысушыларының барлығының қызметіне құрметпен қарайды, Қазақстанның банк жүйесін бекіте түсуге бағытталған кез-келген іс-әрекеттерге қолдау білдіреді, сондай-ақ, әділетті бәсекелестік және корпоративтік этика нормаларына бейілділігін растайды. 

«БТА Банк» АҚ мен «Қазақстан Халық Банкі» АҚ бұл мәселені реттестіре отырып, аталған жағдайдың өз шешімін табуы республиканың қаржы жүйесінің одан әрі тұрақты дамуына оңды әсер етеді деген пікірге тоғысты.