1. Ерекше талаптары: бұл салым жасы 16-ға толмаған салымшының атына қабылданады. Салымшының атына кез келген тұлға, туыстық қатынасының бар/жоғына қарамастан, тиісті құжаттарын көрсете отырып, ақша сала алады. 

2. Салым мерзімі 1- 10 жылға дейін. Салымның ең ұзақ мерзімі баланың 16 жасқа толу талабымен реттеледі. 

3. Капитализация: әр жыл сайын, 12 ай сайын.  

4. Сыйақы төлеу: салым мерзімі аяқталғанда.

5. Салымды толықтыру мүмкіндігі: қосымша жарнаның ең төмен мөлшері 1000 теңге немесе 10 АҚШ доллары немесе 10 евро болса,  толықтыруға болады.

6. Салымнан ішінара ақша алу мүмкіндігі: қарастырылмаған

7. Салымның ең төмен мөлшері:Алматы және Астана тұрғындары үшін -15 000 теңге немесе 100 АҚШ доллары немесе 100 евро. Басқа өңірлер үшін – 7 000 теңге немесе 50 АҚШ доллары немесе 50 евро.

Жасы 14-ке толмаған салымшының атына салынған салымға салымшының заңды өкілдері (ата-анасы, асырап алушысы, қамқорлық жасаушысы) иелік етеді, ал жасы 14-ке толғаннан кейін салымға өзі иелік етеді.   

Жасы 16-ға толмаған салымшыға салым Қазақстан Республикасы азаматының туу туралы куәлігін көрсеткеннен кейін және оның заңды өкілдерінің (ата-аналары, асырап алушылары, қамқоршылары) көзінше жүргізіледі.

Егер салымшының жасы 14-ке толмаса, салым мен оның сыйақысы ақша салушыға тек салымшы немесе оның заңды өкілдері міндетті түрде банкке келіп ұсынған жазбаша бас тарту негізінде ғана беріле алады.